• Informohuni në mënyrë të vazhdueshme, kështu do të keni djeni për masat kufizuese, këshillat e sigurisë dhe si të ruani shëndetin tuaj/ familjarëve tuaj etj.
• Ndiqni burime të besueshme informacioni p.sh Ministria e Shëndetësisë, autoritetet lokale të shëndetit publik, Organizata Botërore e Shëndetit etj.
• Kufizoni kohën dhe mënyrën e përditësimit me lajmet e reja mbi situatën, p.sh mund të mjaftoheni duke vendosur një orar të caktuar të ditës për këtë qëllim.

KUJDES! Ndjekja e vazhdueshme e lajmeve dhe burimeve në media sociale mund të kthehet në një nxitës të ankthit dhe  në vend që ta lehtësojë atë.

Përqëndrohuni te gjërat që mund t’i kontrolloni

• Kur e ndjeni veten të frikësuar nga situata që po jetojmë, përpiquni ta zhvendosni vëmendjen tek gjërat që mund t’i kontrolloni.

Për shembull, nuk mund të kontrolloni shpërthimin e koronavirusit në qytetin ose vendin tuaj, por mund të merrni masa për të zvogëluar rrezikun tuaj personal (dhe rrezikun që do ta përhapni pa vetëdije te të tjerët), siç janë:

➢ Larja e duarve shpesh (për të paktën 20 sekonda) me sapun dhe ujë, ose një dezifektues dore që përmban të paktën 60% alkool.

➢Shmangni prekjen e fytyrës tuaj (veçanërisht syve, hundës dhe gojës).

➢Respektoni distancimin social

➢Ndiqni të gjitha rekomandimet nga autoritetet shëndetësore.

Përdorni teknologjinë për t’u lidhur me familjarët dhe me të njohurit tuaj

• Mos lejoni që bisedat tuaja të dominohen nga tema COVID 19, është e rëndësishme të largoheni për pak kohë nga kjo temë dhe të flisni për gjëra të tjera , dhe të shijoni njëri- tjetrin.
• Emocionet janë “ngjitëse”, përpiquni të mos përçoni shqetësim dhe frikë tek njëri -tjetri gjatë komunikimit.
• Nëse nuk keni një grup social apo dikë që të flisni, përdorni linjat e këshillimit on-line.

Kujdesuni për trupin dhe shpirtin tuaj

• Pranoni ndjenjat tuaja. Cfarëdo lloj emocioni ju sjell kjo situatë, kuptoni që është normale. Jepni kohë vetes për të kuptuar ndjenjat tuaja dhe ndajini ato më të tjerët.
• Mbani një rutinë ditore. Edhe pse jeni në shtëpi gjithë kohën, përpiquni t’i përmbaheni orarit të rregullt të gjumit, të ushqyerit, të kujdesit për veten etj.
• Kushtojni kohë aktiviteteve që ju pëlqejnë. Lexoni një libër të mirë, shikoni një komedi, një lojë , një gatim të ri etj. Nuk ka rëndësi se çfarë bëni, për sa kohë që ju ndihmon të largoheni nga shqetësimet tuaja.
• Dilni në oborr ose ballkon herë pas herë. Dielli dhe ajri i freskët do ju bëjë të ndiheni më mirë.
• Gjeni kohë për të kryer arktivite fizike. Qëndrimi aktiv do t’ju ndihmojë të çlironi ankthin, të lehtësoni stresin dhe të menaxhoni gjendjen shpirtërore. Shikoni në internet për video ushtrimesh që mund të ndiqni.

Organizata “Të Ndryshëm & Të Barabartë”  si pjesë aktive e kësaj platforme  lobon fuqishëm për t’ju ardhur në ndihmë të gjithë personave në situatë vulnerabël. Për ta bërë sa më të lehtë përballimin e pandemisë  kjo platformë është përqëndruar në sigurimin e mbështetjes  direkte të familjeve në nevojë si  edhe vënien në dispozicion të  informacioneve  lidhur me shërbimet  immediate, mekanizmat e kërkimit të ndihmës, këshillim online mbi çështjet ligjore dhe shëndetin mendor si  dhe menaxhimit  të situatës së krijuar si pasojë e izolimit.

Përfshirja sociale  për të kontribuar në suport të kategorive vulnerabël  mbetet  një akoma një sfidë  prandaj për t’a bërë më të lehtë këtë procces  kërkojmë bashkëpunimin tuaj në ndihmë të personave  që kanë nevojë për mbështetjen tonë.

Ne jemi të gjithë, ne jemi më mirë së bashku,  bashkë do ja dalim.
#memiresebashku #bettertogether #solidaritet #mbeshtetje #bashkedotiadalim

Pjesë  e rasteve të ndihmuara kanë qënë  përfituese të programit të riintegrimit të “D&E”,  familje në nevojë përfshirë edhe komunitetin  Rom dhe Egjiptian gjithashtu edhe  persona që kanë kontaktuar përmes platformës #mëmirësëbashku.

Në një hark  kohor  një mujor  total janë shpërndarë 64 pako ushqimore ndër të cilat 38 pako për komunitetin Rom dhe Egjiptian, 9 pako ushqimore për rastet “D&E” që asistohen në apartamente, 5 raste të referuara nga platforma #mëmirësëbashku dhe  12 familje në Shkozë, Kashar, Tiranë të cilat kanë kanë pasur problematika të tilla si; dhunë në familje, probleme me shëndetin mendor,fizik, të prekur nga tëmeti, të pastrehë etj.

Gjatë shpërndarjes së ndihmave për të minimizuar ekspozimin ndaj virusit Covid-19, të gjithë punonjësit e PMF janë pajisur me të gjitha pajisjet e mbrojtjes kundër virusit Covid-19.

“Të Ndryshëm & Të Barabartë” falenderon  “Arise Foudation”  për mbështetjen e dhënë në realizimin e kësaj nisme të gjërë humanitare si dhe  në të njëtën kohë të gjitha  Pmf-të në Tiranë apo aktorët e tjerë që ndihmuan në implementimin e këtij projekti.

Por Ana  nuk jeton më  me familjen e saj pas asaj që ndodhi.

Ishte shkëputur herët nga shkolla, për shkak së babai nuk kishte patur mundësi t’i blinte as  librat.  Vjazat e tjera në strehë e kanë mbështetur Anën vazhdimisht, duke e bërë atë të kuptojë që nuk është e vetme në këtë eksperiencë. Ajo u ndihmua të gjejë balancat psikologjike, të shërohej fizikisht dhe shpirtërisht, të takonte të afërmit e miqtë dhe t’i rikthehej jetës që dëshironte.

“Të  Ndryshëm & Të Barabartë” ndihmon rreth 100 vajza e djem si Ana cdo vit. Një paketë e plotë shërbimesh me tre faza, ofrohet  për të gjithë përfituesit bazuar në nevojat e tyre. Organizata është themeluar në 2004 dhe që prej asaj kohe, ka ofruar shërbime riintegruese për viktimat e trafikimit, viktima të mundshme trafikimit, abuzimit dhe dhunës.  Ka 5 fusha kryesore ku organizata jep kontributin e saj:

Ø  D&E ofron një paketë shërbimesh direkte riintegruese, për djem  dhe vajza, viktima të trafikimit dhe viktima të mundshme trafikimi, viktima abuzimi seksual apo dhune. Paketa përfshin strehimin e sigurt në strehëz, në apartamente me qera apo familje të origjinës, asistencë shëndetësore, psikologjike, ligjore, shkollim dhe kurse profesionale, rritje aftësive për jetën, intershipe  dhe punësim të sigurtë, mentorim, ndërmetësim me familjen.

Ø  D&E fokusohet në parandalim dhe ndërgjegjësim. Cdo vit organizohen një sërë aktivitetesh me shkollat, komunitetit, përfaqësues të bizneseve dhe institucioneve shtetërore, me në fokus rritjen e ndërgjegjësimit dhe parandalimin e trafikimit, shfrytëzimit dhe dhunës seksuale.

Ø  D&E bën përpjekje të vazhdueshme në lobim dhe advokim për të drejtat e grupit vulnerabël që mbështet. Ky është një angazhim serioz dhe i vazhdueshëm  në përpjekjet  për të luftuar fenomenin e trafikimit dhe mbrojtur viktimat e këtij krimi.

Ø  Organizata ofron trajnime për organizata dhe institucione të ndryshme në cështje të lidhura me fenomenin e trafikimit dhe shërbimet riintegruese.

Ø  D&E punon vazhdimisht në rritje fondesh dhe konsolidim shërbimesh. Në kuadër të kësaj, prej disa vitesh organizata ka hapur nje biznes social ku përvec se gjenerohen të ardhura për të mbuluar paketat riintegruese, biznesi ofron dhe vënde pune për përfituesit/et e organizatës.    

Të gjitha shërbimet e listuara më lart, ofrohen me qëllim që vajzat dhe djemtë që mbështeten nga D&E të rifillojnë jetën dhe planet e lëna në mes.  Ana ka marrë shërbim psikologjik për një kohë të gjatë dhe tani është e stabilizuar, por ka ende shumë gjëra për t’u bërë. Gjëndja saj shëndetësore është trajtuar intensivisht dhe ka pasur përmirësime. Ajo është regjistruar në shkollë, dhe pas disa përpjekjeve nga ana e menaxherit të rastit dhe stafit të organizatës, ajo ka vizituar të afërmit dhe njerëzit e saj të dashur.  Ka nisur një kurs kuzhine për të realizuar ëndrrën e saj dhe është drejt diplomimit.

 Ana është e sigurtë tani, sic janë edhe rreth 100 përfitues/e të tjerë që asistohen cdo vit nga D&E.